【選擇障礙症 - 節日篇】
每當大時大節，我就緊係想搵個機會同港女女友出去食好西。但每次問佢想食乜，都只係話煲仔飯、雪糕果啲⋯我頂！我唔係睇唔起煲仔飯同雪糕佢地，而重點係我想食西，係西呀！西呀！西餐個西！去到呢刻問題就黎啦，平時好日都無食一次西餐，突然間要搵一間真係有難度。又要環境好，野食好，服務又要好，邊得咁易搵呀！好彩身邊朋友多，即時打個電話比阿強問佢點算。阿強果然食西無數，一野介紹左呢間香港人打理嘅法國餐廳過黎，價錢唔算平，但服務、野食同氣氛真係值回票價！野食堅好味，好似呢個橡果黑毛豬咁，食落去有橡果味，肉又juicy，配埋佢個汁堅冇得輸。另外佢嘅餐包都好有心思，用啲3-4x蚊一個果啲法國高級包黎做餐包。完全睇到廚房幾睇重個質量。真心推介，好過食自助餐。
----------------------------------------------
Chez Bistro
銅鑼灣耀華街3號百樂中心21樓
#HKFood銅鑼灣
Search